كشفت الفنانة بشرى عن رد فعل زوجها خالد حميدة على الضجة الإعلامية التي أحاطت بزفافهما، معربة عن تعاطفها معه لفهمها لما يمر به من صعوبات بسبب الشهرة.
وروت بشرى عن أكثر تعليق لفت أنظارها وقالت في لقائها ببرنامج “حد النجوم”: “شفت تعليق موتني من الضحك قال الفرق 11 سنة بيني وبين عريسي ليه إن شاء الله هما شايفني زوزو شكيب ولا ميمي شكيب، يعني جبتوا الفرق دا منين أصلا لا شكلا باين ولا حتى موضوعا حتى الواقع مش كده تقريبا قد بعض حتى لو في فرق سنة ولا سنتين دا ولا حاجة ما أنا زيجتي اللي فاتت كان في فرق سنة بيني وبين زوجي”.
وعن فكرة الفارق العمري بين الزوجين قالت بشرى: “مش بيرفق معايا يعني إيه أصلا دي تفاصيل في منتهى السطحية وبتضحكني جدا وأنا واخدة الدنيا بسخرية وبشوف الناس فيلم كرتون كبير فبالنسبالي لا أتوقف عند هذه التعليقات وكل واحد يخليه في حاله وأنا بالنسبة ليا العروسة للعريس والجري للمتاعيس”.
إقرأ أيضا:حمادة هلال يخضع لعملية جراحية
كما كشفت بشرى عن رد فعل زوجها بعد انتشار صور زفافهما وحديث الجمهور عنهما وقالت: “هو اتخض وجه يقولي إيه دا كله؟ قلت له عشان تقدر أنا إزاي بتعب إنك تكون في مجال زي ده وتحت الأضواء وتجامل وترحب بكل الناس دا موضوع مش سهل كل شوية يسألني هو دا عادي كده”.
