نهى عابدين: أنا ممثلة مش مجرد جسم

رفضت الفنانة نهى عابدين فكرة تصنيف الأدوار، مؤكدة أن الممثل الحقيقي قادر على تجسيد أي دور. وقالت نهى: “أنا بشتغل ممثلة وبني آدمة، ممكن في أدوار أقدر أعملها وأدوار مقدرش أعملها، بس مش معنى كده إن الأدوار اللي مقدرش أعملها مش كويسة”.

وأضافت نهى عابدين خلال لقائها في برنامج “حد النجوم”: “لما طلعت قلت أن الفنان يحيى الفخراني نصحني أني أخس لأني معنديش مشكلة في الموضوع وهو معاه حق، الممثلة لازم تحافظ على جسمها ووزنها”.

وتابعت نهى عابدين: “أنا بتخن وبخس، أنا دلوقتي وزني زايد ومعنديش مشكلة ومتصالحة مع نفسي، ممكن اتضايق لو حد بحبه وقالي إني تخنت، لكن لو حد معرفوش عادي، ساعات حد ممكن يقولي على حاجة فيا لأن كلنا فينا عيوب، لو حد قالي على عيب أنا ممكن أبقى عنيده وأظهره أكتر”.

إقرأ أيضا:نسرين طافش تخطف الأنظار في رحلتها البحرية (صور)

وأوضحت نهى أنها لا تحب فكرة أدوار الإغراء، لكنها ترى أن هذا لا يعني أن هذه الأدوار غير مهمة أو أن الفنانات اللواتي يقدمنها أقل منها موهبة.